Мәдени-гуманитарлық ынтымақтастық

Елдер арасында білім беру саласында тығыз қатынастар орнатылған. Ұлыбритания қазақстандық студенттерді оқытуға белсенді қатысуда. Бүгінгі таңда Британияда «Болашақ» халықаралық стипендиясы бойынша 300-ден астам қазақстандық студент білім алуда.

2001 жылдан бастап Алматы қаласында серіктестері Ұлыбританияның жетекші жоғары оқу орындары болып табылатын Қазақстан-Британ техникалық университеті жұмыс істейді.

2014 жылы тараптар құны 12 млн фунт стерлингі болатын «Ньютон-Аль-Фараби» серіктестік бағдарламасына қол қойды. Бағдарлама бірлескен инновациялық және ғылыми зерттеулерді қолдауды көздейді, қаржыландырылуы тепе-тең негізде жүзеге асырылады.

Назарбаев Университетінде Лондонның университеттік колледжінің қолдауымен университеттік білім беруге дайындық бағдарламасы, сондай-ақ инженерия мектебін құру жобасы іске асырылуда.Бүгінгі таңда Британияда «Болашақ» халықаралық стипендиясы бойынша 300-ден астам қазақстандық студент білім алуда.

2018 жылғы 19 қарашада әлемге әйгілі қазақстандық әнші Димаш Құдайбергеннің Еуропадағы алғашқы концерті өтті. «DQ» атты эксклюзивті шоу Лондондағы «The O2» аренасының «Indigo» концерттік залында өтті.

Қосылған : 6.11.2016, 18:50, Өзгертілген : 7.11.2016, 14:15