Бос лауазымдар

«Қазақстан Республикасы Сыртқы істер министрлігі шаруашылық басқармасы» шаруашылық жүргізу құқығындағы республикалық мемлекеттік кәсіпорын, 010000, Астана қаласы, Қонаев көшесі, 31-үй, анықтама үшін телефон: (8-7172) 72-00-92, 72-03-51, электрондық пошта: rgpmid@mail.ru,
бос лауазымдарға орналасуға конкурс жариялайды:

Құжаттарды қабылдау күні мен уақыты:

2018 жылғы 5 қазан күні сағат 15:00-ге дейін

Әңгімелесу өткізу уақыты:

Конкурстық комиссияның кандидаттарының құжаттарын қарастыру және

әңгімелесуге жіберу шешімі бойынша әңгімелесу өткізу уақыты ҚР СІМ ресми интернет-сайтында орналастырылады.

Әңгімелесу өткізу орны:

Астана қаласы, Қонаев көшесі, 31-үй

«ҚР СІМ Шаруашылық басқармасы» ШЖҚ РМК

Ресми және протокол іс-шаралары бөлімінің басшысы

(1 бірлік)

Функционалдық міндеттері: министрліктің, дипломатиялық өкілдіктердің, консулдық мекемелердің, басқа да мемлекеттік органдардың және халықаралық ұйымдардың қабылдауларында және басқа да хаттамалық іс-шараларында қызмет көрсету бойынша тапсырмаларды орындауды қамтамасыз етеді. Іс-шараларды өткізу үшін алаңдарды, үй-жайларды дайындаумен айналысады. Тапсырманы сапалы орындау үшін қойылатын талаптарға жауап беретін қызметкерлерді іріктеумен айналысады. Іс-шараларды өткізу барысында қызмет көрсетудің жоғары мәдениетін қамтамасыз етеді. Сметаларды, бұйрықтарды, есептерді және іс-шаралардың таныстырылымдарын дайындайды. Бекітілген тапсырманың орындалуын қамтамасыз ету үшін асхана мен бөлімнің жұмысын қадағалайды. Ұйымның қосалқы мердігерлерін іздеумен, сондай-ақ оған бағынышты қызметтердің персоналын іріктеу мен оларды ұйымдастырумен айналысады, олардың біліктілігін мақсатқа сәйкес пайдалануды және арттыруды қамтамасыз етеді.

Конкурстың қатысушыларына қойылатын талаптар: тиісті мамандық бойынша (экономика, қаржы, заң, қызметкерлерді басқару) жоғары (немесе жоғары оқу орнынан кейiнгi) білімі және жұмыс өтілі, оның ішінде басшы қызметінде 5 жылдан кем емес болуы тиіс.


«ҚР СІМ Шаруашылық басқармасы» ШЖҚ РМК

Мемлекеттік сатып алу және маркетинг секторының басшысы

(1 бірлік)

Функционалдық міндеттері: мемлекеттік сатып алуды ұйымдастыру және өткізу рәсімдерін ұйымдастыруды іске асырады. Кәсіпорынның қызметінде заңдылықтың сақталуын және мемлекеттік сатып алуды ұйымдастыру және өткізу рәсімдерін іске асыру барысында оның заңды мүдделерін қорғауды, олар бойынша шарттар жасасуды қамтамасыз етеді. Мемлекеттік сатып алуды ұйымдастыру және өткізу рәсімдерін іске асыру үшін бұйрықтардың жобаларын, нұсқаулықтарды, ережелерді, үлгілерді және сектордың құзыретіне кіретін басқа да актілерді дайындайды. Мемлекеттік сатып алу туралы қолданыстағы заңнаманы және оның қолдану тәртібіне түсініктеме береді. Кәсіпорынның тауарларды, жұмыстарды және қызметтерді мемлекеттік сатып алу жоспарын әзірлейді және оның іске асрылуын ұйымдастырады. Мемлекеттік сатып алудың жылдық жоспарына өзгертулер мен толықтыруларды уақытылы енгізуді қамтамасыз етеді. Ұйымдағы маркетингтік саясатты әзірлеумен айналысады. Сектордың өнімді сатуға, жаңа өткізу нарықтары мен өнімдердің жаңа тұтынушыларын анықтауға қатысуын қамтамасыз етеді. Барлық функционалды құрылымдардың коммерциялық-экономикалық ақпаратты жинау және талдау, ұйым өнімінің маркетингі деректер қорын құру бойынша қызметін үйлестіреді.

Конкурстың қатысушыларына қойылатын талаптар: тиісті мамандық бойынша білімі (заң және экономика) (немесе жоғары оқу орнынан кейінгі) және мамандық бойынша жұмыс өтілі 5 жылдан кем емес, міндетті түрде мемлекеттік сатып алу веб-порталында жұмыс жасай білуі тиіс.

Конкурстық комиссияның отырысына байқаушылар ретінде Қазақстан Республикасы Сыртқы істер министрлігінің, «Қазақстандық дипломаттар бірлестігі» Қоғамдық ұйымының өкілдері қатыса алады.

Конкурсқа қатысу үшін мынадай құжаттар тапсырылады:

1) 1-қосымшада көзделген үлгіге сәйкес өтініш;

2) 3х4 өлшемдегі түрлі түсті сурет және 2- қосымшада көзделген үлгіге сәйкес кандидаттың қызметтiк тiзiмі;

3) нотариалдық куәландырылған бiлiмi туралы құжаттар мен олардың қоысмшаларының көшiрмелерi;

4) еңбек қызметін растайтын құжаттың нотариалдық куәландырылған немесе жұмыс орнының кадрлық қызметі куәландырған көшiрмесi;

5) құжат тапсырған күніне дейін алты айдан аспайтын уақыттағы Қазақстан Республикасы Денсаулық сақтау министрі міндетін атқарушының 2010 жылғы 23 қарашадағы № 907 бұйрығымен бекітілген (Нормативтік құқықтық актілерді мемлекеттік тіркеу тізілімінде № 6697 болып тіркелген) денсаулық сақтау ұйымдарының бастапқы медициналық құжаттамасының үлгілеріне сәйкес берілген денсаулығы туралы 086/е үлгісіндегі медициналық анықтамасы (дәрігерлік кәсіби-консультациялық қорытындысы) (немесе нотариалдық куәландырылған көшірмесі);

6) Қазақстан Республикасы азаматының жеке басын куәландыратын құжаттың көшірмесі;

7) бар болған жағдайда, құжаттарды тапсыру сәтінде жарамды, шектік мәнінен төмен емес нәтижелері көрсетілген заңнаманы білуге арналған тестілеуден өткені жайлы сертификат (бұдан әрі - сертификат) (немесе сертификаттың нотариалдық куәландырылған көшірмесі);

8) бар болған жағдайда, конкурсқа қатысу үшін құжаттарды тапсыру сәтінде жарамды уәкілетті органда жеке қасиеттерін бағалаудан өткені туралы қорытындысы (немесе қорытындының нотариалдық куәландырылған көшірмесі);

9) құжат тапсырғанға дейін бір жылдан аспайтын уақыттағы Қазақстан Республикасы Денсаулық сақтау және әлеуметтік даму министрінің 2015 жылғы 27 сәуірдегі № 272 бұйрығымен (Қазақстан Республикасының Әділет министрлігінде 2015 жылы 11 маусымда № 11304 тіркелді) бекітілген "Психоневрологиялық ұйымнан анықтама беру" мемлекеттік көрсетілетін қызметтің стандартына сәйкес үлгі бойынша берілген психоневрологиялық ұйымнан анықтамасы (немесе қорытындының нотариалдық куәландырылған көшірмесі);

10) құжат тапсырғанға дейін бір жылдан аспайтын уақыттағы Қазақстан Республикасы Денсаулық сақтау және әлеуметтік даму министрінің 2015 жылғы 27 сәуірдегі № 272 бұйрығымен (Қазақстан Республикасының Әділет министрлігінде 2015 жылы 11 маусымда № 11304 тіркелді) бекітілген "Наркологиялық ұйымнан анықтама беру" мемлекеттік көрсетілетін қызметтің стандартына сәйкес үлгі бойынша берілген наркологиялық ұйымнан анықтама (немесе қорытындыныңнотариалдық куәландырылған көшірмесі).

Қосылған : 21.09.2018, 17:35, Өзгертілген : 21.09.2018, 17:35